میٹرک امتحانات میں نقل کےلئے طلبا کا موبائل فونز کا کھلا استعمال، انتظامیہ خاموش

لاڑکانہ (ڈیلی پاکستان آن لائن ) سندھ بھر میں نہم اور دہم کے سالانہ امتحانات کا سلسلہ جاری ہے۔ لاڑکانہ میں طلبا نقل کے لئے موبائل فونز امتحانی سینٹر ز میں لے آئے۔

تفصیلات کے مطابق لاڑکانہ میں میٹرک کے امتحانات میں نقل کے لیے موبائل فونز کا استعمال کھلے عام کیا جارہا ہے جبکہ نقل کی روک تھام کے لیے تشکیل کردہ چھاپہ مار ٹیمیں اور اساتذہ نقل کی روک تھام میں مکمل ناکام ہوچکے ہیں۔

واضح رہے کہ ضلعی افسران میں سے کمشنر، ڈپٹی کمشنر، اسسٹنٹ کمشنرز نے مکمل لاتعلقی کا مظاہرہ کرتے ہوئے امتحانی مراکز کا دورہ تک نہیں کیا ہے۔